Brain Stroke: ఈ లక్షణాలు కనిపిస్తే నిర్లక్ష్యం చేయకండి, మీరు వెంటనే హాస్పిటల్ కి వెళ్లి చెకప్ చేపించుకోండి.
Brain Stroke: ఈ లక్షణాలు కనిపిస్తే నిర్లక్ష్యం చేయకండి, మీరు వెంటనే హాస్పిటల్ కి వెళ్లి చెకప్ చేపించుకోండి.
Brain Stroke: మెదడుకు రక్త సరఫరా తగ్గడం, అంతరాయం కలిగించడం వల్ల మెదడు కణాలు చనిపోయినప్పుడు స్ట్రోక్ వస్తుంది. త్వరగా గుర్తించడం వల్ల మెదడు దెబ్బతినే అవకాశాలను తగ్గించొచ్చు. అయితే మెదడుకు రక్త సరఫరా అకస్మాత్తుగా ఆగిపోయినా లేదా మెదడులోని రక్తనాళం పగిలిపోయినా బ్రెయిన్ స్ట్రోక్ వస్తుంది.
దీనివల్ల మెదడు కణాలు దెబ్బతిని, శాశ్వత వైకల్యం లేదా ప్రాణాపాయం సంభవించవచ్చు. స్ట్రోక్‌కు ప్రధాన కారణాలు.. అధిక రక్తపోటు (హైపర్‌టెన్షన్), మధుమేహం (రక్తంలో అధిక చక్కెర స్థాయులు, పొగతాగడం, మద్యం సేవించడం. స్థూలకాయం, అనారోగ్యకరమైన జీవన విధానం.
Also Read: పీరియడ్స్ సమయంలో మహిళలు ఈ జ్యూస్లు తాగితే చాలు
స్ట్రోక్ లక్షణాలను గుర్తించడం – ‘BE FAST’ సూత్రం:
- B – Balance (పట్టు): ఒక్కసారిగా మైకం రావడం లేదా నడుస్తున్నప్పుడు పట్టు తప్పి పడిపోవడం.
- E – Eyes (కళ్లు): అకస్మాత్తుగా చూపు మసకబారడం లేదా పూర్తిగా కనిపించకపోవడం.
- F – Face (ముఖం): ముఖం ఒకవైపునకు వాలిపోవడం లేదా ఒకవైపు కదలిక కోల్పోవడం.
- A – Arm (చెయ్యి): ఒక చెయ్యి లేదా కాలు బలహీనంగా మారడం లేదా మొద్దుబారిపోవడం.
- S – Speech (మాట): మాట్లాడేందుకు కష్టపడటం లేదా మాట అస్పష్టంగా, తడబడుతూ ఉండటం.
- T – Time (సమయం): పై లక్షణాలు కనిపించిన వెంటనే తక్షణం ఆసుపత్రికి వెళ్లాలి – తొలి 4 గంటలు అత్యంత కీలకం.
సకాలంలో చికిత్స ఎందుకు ముఖ్యం..స్ట్రోక్ లక్షణాలను గుర్తించి, 4 గంటల్లోపు రోగిని ఆసుపత్రికి చేర్చగలిగితే, త్రోంబోలిసిస్ వంటి చికిత్సల ద్వారా వారి ప్రాణాలను కాపాడవచ్చు. అంతేకాదు, దీనివల్ల ఏర్పడే శాశ్వత వైకల్యాన్ని కూడా నివారించవచ్చు.
Also Read: రోజూ పరగడుపున కిస్మిస్ నీళ్లు తాగితే చాలు.
బ్రెయిన్ స్ట్రోక్‌ను సకాలంలో గుర్తించి చికిత్స చేయడం వల్ల స్ట్రోక్‌ను నివారించవచ్చని ఇండియన్‌ స్ట్రోక్ అసోసియేషన్‌ వైద్యులు చెబుతున్నారు. ఈ మేరకు వారు హైదరాబాద్‌లో అవగాహన కార్యక్రమం నిర్వహించారు.
