ఈ పనులు చేస్తే స్పెర్మ్ కౌంట్ తగ్గుతుందా..? అబ్బాయిలు ఖచ్చితంగా తెలుసుకోవాల్సిన విషయాలు ఇవే.

ఇటీవల కాలంలో చాలా మంది పురుషులు తక్కువ స్పెర్మ్ కౌంట్ కలిగి ఉంటున్నారు. సంతాన సాఫల్యత విషయంలో ఇబ్బందులు తలెత్తుతుండటంతో ఫెర్టిలిటీ సెంటర్లను ఆశ్రయిస్తున్నారు. పురుషులలో స్పెర్మ్ కౌంట్, స్పెర్మ్ నాణ్యత తక్కువగా ఉండటానికి అనేక కారణాలు ఉన్నాయి. ధూమపానం, మద్యం సేవించడం, అధిక బరువు ఉండటం, వృషణాలు వేడెక్కడం, డ్రగ్స్ ఉపయోగించడం, అంటువ్యాధులతో పాటు ఒత్తిడి, ఆందోళనలు కూడా స్పెర్మ్ కౌంట్ తగ్గటానికి కారణం అవుతున్నాయి. అయితే ప్రతి పురుషుడు.. తమ జీవితంలో వినే కొన్ని అపోహల్లో నిజం ఎంత ఉందనేది తెలుసుకోవాలి.

వీకెండ్ పార్టీల్లో వారంలో ఒకసారి తాగేవారి గురించి పెద్దగా చింతించాల్సిన అవసరం లేదు. కానీ అది కాస్త వ్యసనంగా మారుతుందేమో కనిపెట్టుకుని ఉండాలి. ఒత్తిడి నుంచి బయటపడేందుకు లేదా సంతోషాన్ని సెలబ్రేట్ చేసేందుకు అంటూ కారణాలు వెతికి తాగుతుంటే మాత్రం నిజంగా తాగాల్సిన అవసరం ఉందా అని ఎవరికి వారు ప్రశ్నించుకోవడం అవసరమని ఫాన్సీపుల్ కు చెందిన డాక్టర్ డార్డ్ అంటున్నారు. వారానికి 14 యూనిట్లకు మించి తాగుతుంటే మాత్రం కచ్చితంగా మీరు మీ అలవాటు గురించి ఆలోచించాలి.

జ్ఞాపకశక్తి తగ్గిపోవడం, లేదా మీ పని మీద కూడా ఆల్కహాల్ ప్రభావం చూపుతుంటే మాత్రం తప్పకుండా మీరు నిపుణుల సహాయం తీసుకోవాలని గుర్తుంచుకోండి. సైక్లింగ్ తో స్పెర్మ్ కౌంట్ తగ్గుతుందని మిడిల్ ఏజ్ పురుషులు చాలామంది అనుకుంటారు. నిజానికి సైక్లింగ్ మంచి వ్యాయామం. దాని వల్ల సంతానోత్పత్తి సామర్థ్యం పెరుగుతుంది. సైక్లింగ్ వల్ల కౌంట్ తగ్గదు. కానీ బిగుతుగా ఉండే దుస్తులు ఎక్కువ సమయం పాటు ధరించి ఉండడం వల్ల వృషణాల్లో ఉష్ణోగ్రతలు పెరిగి కౌంట్ తగ్గవచ్చనేది వాస్తవం. సాధారణంగా 50 సంవత్సరాల పైబడిన వయసు మహిళల్లో ఆస్టియోపొరోసిస్ సమస్య కనిపిస్తుంటుంది. వారిలో ఎముకల్లో సాంద్రత తగ్గుతుంటుంది.

అయితే పురుషుల్లో మహిళల్లో అంత ఎక్కువగా కనిపించదు. అయితే సియోలియాక్ డిసీజ్ కు చికిత్సగా చాలా కాలం పాటు స్టెరాయిడ్లు వాడడం, లేదా ఇమ్యూనోసెంప్రసెంట్స్ వాడడం వల్ల పురుషుల్లో ఆస్టియోపొరోసిస్ రావచ్చు. ఇలాంటి సందర్బాల్లో స్ట్రెంత్ ట్రెయినింగ్ ను నిపుణులు సిఫారసు చేస్తున్నారు. దీని వల్ల ఎముకలు, కండరాలను బలోపేతం చేస్తుంది. ఇది గాయాలు ఏర్పడకుండా నిరోధిస్తుంది. గురకపెట్టడం కేవలం పురుషులు మాత్రమే కాదు.. కొంత మంది స్త్రీలలో కూడా ఉంటుంది.

బరువు తగ్గడం, ఒకవైపు తిరిగి పడుకోవడం ద్వారా గురకను నివారించవచ్చు. గురక అనేది అంత నిర్లక్ష్యం చెయ్యదగిన సమస్య కాదు. రాత్రి పూట తీవ్రమైన గురక ఉండడం, పగటి పూట చాలా అలసట కనిపించడం వంటి లక్షణాలు కనిపిస్తే అది స్లీప్ ఆప్నియా కావచ్చేమో అని అనుమానించాల్సి ఉంటుందని నిపుణులు హెచ్చరిస్తున్నారు. స్లీప్ ఆప్నియా గుండె జబ్బులు, టైప్ 2 డయాబెటిస్, డిప్రెషన్ వంటి వాటితో ముడి పడి ఉంటుంది. కనుక తప్పకుండా డాక్టర్ సలహా తీసుకోవాలి. కాబట్టి, అందరూ గురక పెడతారు కదా.. పెద్ద సమస్య కాదని మాత్రం భావించొద్దు.