ముక్కులో ఉన్న వెంట్రుకలు కట్ చేసున్నారా..? ఎంత ప్రమాదమో తెలుసుకోండి.
ముక్కులో వెంట్రుకలు ఉంటే వాతావరణంలో ఏర్పడే దుమ్ము, ధూళి కణాలను, సూక్ష్మజీవులను ముక్కు ద్వారా శ్వాసనాళంలోకి.. తద్వారా మన శరీరంలోకి ప్రవేశించకుండా ఆపుతాయి. ఇంకా కొందరేమో ముక్కులో వెంట్రుకలను పీకేస్తూ ఉంటారు. అలా అస్సలు చేయకూడదు. ఎందుకంటే వాటి కుదుళ్ళలో ఏర్పడే రంధ్రాల ద్వారా బ్యాక్టీరియా ఇన్ఫెక్షన్ జరిగి రక్త నాళాల్లోకి ప్రవేశిస్తుంది. అయితే పరిశుభ్రంగా, అందంగా కనిపించాలని మనలో చాలా మంది అవాంఛిత రోమాలను తొలగిస్తూ ఉంటారు. ఇలా చేయడం ద్వారా మన అందం రెట్టింపు అవుతుందని భావిస్తుంటారు.
అలాంటి అందం కోసం కొందరు ముక్కులో ఉండే వెంట్రుకల ను కూడా తొలగిస్తూంటారు. ముక్కులో వెంట్రుకలు ఉండటంవల్ల కొద్దిగా అందవిహీనంగా కనిపించడం వాస్తవమే అయినప్పటికీ.. ఆరోగ్యపరంగా ఎంతో మేలు చేస్తాయని వైద్యులు చెప్తున్నారు. ముక్కులో ఏర్పడే వెంట్రుకలను తీసివేయడం ద్వారా ఏం జరుగుతుందో తెలుసా? అందం కన్నా ఆరోగ్యపరంగా ఎన్నో సమస్యలు తలెత్తుతాయి. ముక్కులో ఆ వెంట్రుకలు ఉండటం ద్వారా వాతావరణంలో ఏర్పడే దుమ్ము, ధూళి కణాలను, సూక్ష్మజీవులను ముక్కు ద్వారా శ్వాసనాళంలోకి.. తద్వారా మన శరీరంలోకి ప్రవేశించకుండా ఆపుతాయని వైద్యులు సెలవిస్తున్నారు.
ముక్కులో వెంట్రుకలను పీకినప్పుడు వాటి కుదుళ్ళలో ఏర్పడే రంధ్రాల ద్వారా బ్యాక్టీరియా ఇన్ఫెక్షన్ జరిగి రక్త నాళాల్లోకి ప్రవేశిస్తుంది. దీని ద్వారా రక్తం సరఫరా జరిగే సిరులలో రక్తం గడ్డకట్టే అవకాశం ఉంటుంది. దీనినే ‘కావర్నస్ సైనస్ థ్రోంబోసిస్’ అని పిలుస్తారు. ఇది మెదడుపై అధిక ఒత్తిడిని తీసుకు రావడం వల్ల కొన్నిసార్లు మరణానికి కూడా దారి తీస్తుంది. ప్రస్తుత రోజుల్లో ముక్కు వ్యాక్సింగ్‌ చేయించుకోవడం అనేది ట్రెండింగ్‌గా మారింది. సోషల్ మీడియాలో ముక్కు వ్యాక్సింగ్‌కు సంబంధించి లెక్కకు మిక్కిలి కథనాలు కనిపిస్తున్నాయి. వీటిని చూస్తున్న పలువురు తాము కూడా ముక్కు వ్యాక్సింగ్‌ చేయించుకుంటున్నారు.
ఇలా వ్యాక్సింగ్‌ చేయించుకోవడం ఆరోగ్యానికి ప్రమాదకరమని ముందుగా తెలుసుకోండి. నిపుణుల అభిప్రాయం ప్రకారం, ముక్కు వెంట్రుకలు మనం పీల్చే గాలిని ఫిల్టర్ చేస్తాయి. ఈ వెంట్రుకలు గాలిలో ఉండే వైరస్‌లు, బ్యాక్టీరియా, ఇతర వ్యాధులకు కారణమయ్యే వ్యాధికారక క్రిముల నుండి రక్షణ కల్పిస్తాయి. శ్వాస వ్యవస్థను ఆరోగ్యంగా ఉంచడానికి ముక్కు వెంట్రుకలు అవసరమని వైద్య శాస్త్రం చెప్తున్నది. డాక్టర్ల బృందం ప్రతిష్టాత్మక మెడికల్ జర్నల్ ‘ది లాన్సెట్‌’లో 1896 సంవత్సరంలో ఒక వ్యాసాన్ని ప్రచురించారు. దీని ప్రకారం, ముక్కులో కొన్నిసార్లు మొటిమలు కూడా వస్తాయి.
ఇవి కాలుష్యం, దుమ్ము, ధూళి, బ్యాక్టీరియా వల్ల కలుగుతాయి. ముక్కు వెంట్రుకలు తేమతో ఒక ఉచ్చును ఏర్పర్చి ఎలాంటి వైరస్ లేదా బ్యాక్టీరియాను ఊపిరితిత్తులలోకి రాకుండా చేస్తాయి. అందుకని, ముక్కులోని వెంట్రుకలను కత్తిరించినప్పుడు లేదా వ్యాక్స్ చేసినప్పుడు వైరస్, బ్యాక్టీరియా కోసం ఒక క్లీన్ ట్రాక్ సృష్టించబడి అవి ఊపిరితిత్తులకు సులభంగా చేరుతాయి. అయితే, ముక్కు వెంట్రుకలపై ఇప్పటివరకు పరిమితంగానే అధ్యయనాలు జరిగాయి. ఈ అధ్యయనాల్లో ముక్కులోని వెంట్రుకలను కత్తిరించడం లేదా వాక్సింగ్ చేయడం వల్ల శ్వాసకోశ ఇన్ఫెక్షన్ ప్రమాదాన్ని పెంచుతుందని ఎటువంటి ఆధారాలు లభించలేదు.
