Renu Desai: రెండో పెళ్లికి రెడీ గా ఉన్నానంటూ.. క్లారిటీ ఇచ్చిన నటి రేణు దేశాయ్.
పవన్ కల్యాణ్ మాజీ భార్య అయిన రేణు దేశాయ్ మరోసారి తన వ్యక్తిగత జీవితం గురించి స్పందించారు. తాజాగా ఆమె ఇచ్చిన ఓ ఇంటర్వ్యూలో, తన రెండో పెళ్లిపై వస్తున్న ఊహాగానాలకు చెక్ పెట్టేలా తేలికైన కానీ స్పష్టమైన వ్యాఖ్యలు చేశారు. అయితే పవన్ తో విడిపోయిన తర్వాత రేణు దేశాయ్ తన పిల్లలు అకీరా నందన్, ఆధ్యాలతో కలిసి జీవిస్తున్న విషయం తెలిసిందే.
అప్పటి నుంచి ఆమె రెండో పెళ్లి అంశం తరచూ వార్తల్లో నిలుస్తూ వస్తోంది. ఈ నేపథ్యంలో ఇటీవల ఆమె పాల్గొన్న ఓ ఇంటర్వ్యూలో ఈ విషయంపై స్పందిస్తూ, “రెండో పెళ్లి చేసుకోవడానికి నేను మానసికంగా పూర్తిగా సిద్ధంగా ఉన్నాను. కానీ, మరికొన్ని సంవత్సరాల పాటు వేచి చూడాలని నిర్ణయించుకున్నాను.
నా జీవితంలో కూడా ఓ మ్యారేజ్ లైఫ్ ఉండాలని, ప్రేమ ఉండాలని కోరుకుంటున్నాను. అందుకే మళ్లీ పెళ్లి చేసుకోవాలని నిర్ణయించుకున్నాను” అని తెలిపారు. ప్రస్తుతం తన పూర్తి సమయాన్ని పిల్లల పెంపకానికే కేటాయిస్తున్నానని, వారి భవిష్యత్తుకే తన మొదటి ప్రాధాన్యత అని ఆమె తెలిపారు.
సరైన సమయం వచ్చినప్పుడు పెళ్లి గురించి తప్పకుండా ఆలోచిస్తానని చెప్పడం ద్వారా వ్యక్తిగత జీవితంలో కొత్త అధ్యాయం ప్రారంభించేందుకు తాను సానుకూలంగానే ఉన్నట్లు రేణు దేశాయ్ సంకేతమిచ్చారు.
