దోమలు ఇంట్లోకి రాకుండా ఉండాలంటే 100% పనిచేసే ఇంటి చిట్కాలు.

కొందరు కాయిల్స్, అగరబత్తులను కాల్చి దోమల నుంచి రక్షించుకునేందుకు ప్రయత్నిస్తారు. మరికొందరేమో శరీరానికి క్రీమ్ రాసుకుని దోమల నివారణకు మార్గాన్ని వెతుకుతుంటారు. అయితే రోజూ దోమలు చంపేస్తున్నాయా..? రక్తాన్నీ పీల్చేస్తున్నాయా..? జాగ్రత్త.. దోమ కాటుపై అస్సలు అశ్రద్ధ చేయొద్దు. ఎందుకంటే.. దోమకాటు అనేక రకాల వ్యాధులకు కారణమవుతుంది.

పరిసరాలను శుభ్రంగా ఉంచుకోవడంతోపాటు ఇంట్లో లేదా మురుగు కాలువలో నీరు నిల్వ లేకుండా చూసుకోవాలి. అలాగే, ఇంట్లో దోమలను తరిమేందుకు మస్కిటో రిపెల్లెంట్స్ వాడటం కొన్ని రసాయనాల వల్ల దోమలకు మాత్రమే కాదు.. మనుషులకు కూడా ఇబ్బందే. మార్కెట్లో లభించే దోమల నివారణ మందులను దీర్ఘకాలంగా వాడడం వల్ల శ్వాసకోస వ్యాధులు, మానసిక వ్యాధులు తలెత్తే ప్రమాదం ఉంది.

దోమ కాటు వలన దురద మరియు శరీరంపైన దద్దురులు వస్తాయి. కొన్ని సందర్భాలలో ఈ కాట్లు మచ్చలలాగా ఏర్పడతాయి. ఈ నేపథ్యంలో అందుబాటులో ఉండే సహజ సిద్ధమైన మార్గాల్లో మాత్రమే దోమలపై యుద్ధం చేయడం మంచిది. ఇప్పుడు ఒక అద్భుతమైన చిట్కా గురించి తెల్సుకుందాం. ఈ చిట్కా కోసం 5 ప‌దార్థాలు అవసరం అవుతాయి. వేపాకులు 50 గ్రాములు తీసుకొని మెత్తని పొడిగా చేసుకోవాలి.

50 గ్రాముల వెలుల్లి తొక్కలను బాగా ఎండబెట్టి పొడిగా చేసుకోవాలి. పిప్ప‌ళ్లు 2 గ్రాములు, 25 గ్రాముల లవంగాలు, పలావ్ ఆకులు రెండింటిని తీసుకొని మెత్తని పొడిగా గ్రైండ్ చేసుకోవాలి. వేపాకుల పొడి, వెల్లుల్లి తొక్కల పొడి, లవంగం, పిప్ప‌ళ్లు, పలావ్ ఆకుల పొడి అన్నింటిని బాగా కలిపి నీటిని చేర్చుతూ మెత్తని పేస్ట్ గా తయారుచేయాలి.

ఈ పేస్ట్ ని చిన్న చిన్న దిమ్మలుగా చేయాలి. వీటిని మూడు గంటల పాటు ఆరబెట్టాలి. బాగా ఆరాక గాలి చొరబడని డబ్బాలో వేసి నిల్వ ఉంచుకోవాలి. దోమలు ఉన్న ప్రదేశంలో ఒక దిమ్మను పెట్టి వెలిగిస్తే ఆ పొగకు దోమలు పారిపోతాయి. ఈ చిట్కా చాలా ఎఫెక్టివ్ గా పనిచేస్తుంది.