క్యాన్సర్ మూడో స్టేజ్‌లో ఉన్నా ధైర్యంగా పోరాడుతోన్న ప్రముఖ నటి. ఎవరో గుర్తు పట్టారా..?
మనో నిబ్బరంతో క్యాన్సర్ లాంటి మహమ్మారలను అధిగమించవచ్చని చాలా మంది సెలబ్రిటీలు నిరూపిస్తున్నారు. పై ఫొటోలో ఉన్నది కూడా ఓ ప్రముఖ హీరోయిన్. ఆమెకు ఇప్పుడు క్యాన్సర్ మూడో స్టేజ్. అయితే భయంతో వణికిపోకుండా క్యాన్సర్ ను జయిస్తానంటూ ధైర్యంగా చెబుతోంది. కీమో థెరపీ చికిత్స కూడా చేయించుకుంటోంది. కాగా ట్రీట్ మెంట్ కు ముందగానే ఆమె జుట్టును కత్తిరించుకుంది. ఇప్పుడు ఈ నటి మెడ పైన, చేతి కింద కూడా కాలిన మచ్చలు కనిపిస్తున్నాయి. అయితే ప్రముఖ టీవీ నటి హీనా ఖాన్ ప్ర‌మాద‌క‌ర రొమ్ము క్యాన్సర్ భారిన ప‌డిన సంగ‌తి తెలిసిందే.
ఇటీవల కీమో థెరపీ చేయించుకుంది. తెర‌పీ అనంత‌రం కాలిన మచ్చలను గర్వంగా ప్రదర్శిస్తూ కొన్ని ఫోటోల‌ను ఇప్పుడు హీనా షేర్ చేసింది. ఈ ఫోటోలతో పాటు కృతజ్ఞతా పత్రం రాసారు. ఆరోగ్యం మెరుగుద‌ల, జీవితం విష‌యంలో ఆశ నిరాశ‌ల గురించి కూడా హీనా ఖాన్ మాట్లాడింది. హీనా కాన్ క్యాప్ష‌న్ లో ఇలా రాసింది. ”ఈ ఫోటోలో మీరు ఏం చూస్తున్నారు? నా శరీరంపై మచ్చలు లేదా నా కళ్లలో ఆశ? మచ్చలు నావి.., నేను వాటిని ప్రేమతో ఆలింగనం చేసుకుంటాను ఎందుకంటే అవి నాకు అర్హమైన పురోగతికి మొదటి సంకేతం. నా కళ్ళలోని ఆశ నా ఆత్మ ప్రతిబింబం. నేను సొరంగం చివరిలో ఉన్న కాంతిని దాదాపుగా చూడగలను.
నేను మీ కోసం కూడా ప్రార్థిస్తున్నాను” అని రాసారు. ఈ పోస్ట్‌పై పలువురు ప్రముఖులు స్పందించారు. వ్యాఖ్యల విభాగంలో హీనా త్వరగా రికవరీ అవ్వాల‌ని సందేశాలను షేర్ చేసారు. మోనా సింగ్ వ్యాఖ్యానిస్తూ.. ”మీరు ఒక ఫైటర్ హీనా (ఎర్ర హృదయాలు) ఇది కూడా పాస్ అవుతుంది” అని రాసారు. మసాబా గుప్తా ఇలా రాసారు. ”మీ గురించి జాగ్రత్తగా చూసుకోండి హీనా (రెడ్ హార్ట్ ఎమోజి)” అని రాసారు. కనికా ఇలా రాశారు. ”మీకు స్ఫూర్తినిస్తుంది. మీ పట్ల ప్రేమ .. ఎప్ప‌టికీ ప్రేమ మాత్రమే (రెడ్ హార్ట్ ఎమోజి)” అని రాసారు. ఇంతకు ముందు హీనా కీమో సెషన్‌కు ముందు తన జుట్టును కత్తిరించుకున్న వీడియోను షేర్ చేసింది.
చికిత్స‌కు వెళ్లే క్ర‌మంలో మొదటి అడుగు వేస్తున్నప్పుడు చిరునవ్వుతో క‌నిపించారు. ఆ తర్వాత కన్నీళ్లు పెట్టుకుంది. ఈ వీడియోతో పాటు ఒక అంద‌మైన నోట్ రాసింది. హీనాకు స్టేజ్ 3 బ్రెస్ట్ క్యాన్సర్ ఉన్నట్లు నిర్ధారణ అయింది. త‌న‌కు రోగనిర్ధారణ చేసినప్పటి నుండి హీనా ఖాన్ ప్రేరణ క‌లిగించే స్ఫూర్తిదాయకమైన కంటెంట్‌ను పోస్ట్ చేస్తోంది. హీనా త్వరగా కోలుకోవాలని కోరుతూ పరిశ్రమ సహోద్యోగులు, అభిమానుల నుండి త‌న‌కు చాలా మెసేజ్‌లు వచ్చాయి.
