సెలబ్రిటీలు ఐస్ వాటర్ బాత్ చేయడం వెనుక అసలు రహస్యం ఇదే. ఆ స్నానం ఒక్కసారి చేస్తే..?

మైనస్ డిగ్రీల ఉష్ణోగ్రత వద్ద శరీరాన్ని కాసేపు సేద తీరేలా చేయడం ఈ ఐస్ బాత్ ప్రక్రియ. బాలీవుడ్ హీరో హీరోయిన్లు, టాలీవుడ్ సెలెబ్రిటీలు, క్రీడాకారులు… ఇలా ఎంతోమంది ఐస్ బాత్ చేసేందుకు ఇష్టపడుతున్నారు. సమంత బాలి ట్రిప్ లో మైనస్ 4 డిగ్రీల ఉష్ణోగ్రతలో 6 నిమిషాల పాటు ఐస్ బాత్ చేసింది. ఇది చాలా కష్టంగా అనిపిస్తుంది కానీ ఒక్కసారి చేస్తే శరీరానికి ఎంతో ఆరోగ్యం సిద్ధిస్తుంది. అయితే ఇటీవల పలువురు సెలబ్రిటీలు, క్రికెటర్లు ఐస్ వాటర్ బాత్ చేస్తున్న వీడియోలు ఇన్‌స్టాగ్రామ్, ఫేస్‌బుక్, యూట్యూబ్‌లలో వైరల్ అవుతున్నాయి.

సెలబ్రిటీలు అనుసరిస్తున్న ఐస్ వాటర్‌ ట్రెండ్ ను సామాన్యులు కూడా ఫాలో అవుతున్నారు. ప్రస్తుతం ఐస్ వాటర్ బాత్ చాలా ట్రెండింగ్‌లో ఉంది. ఐస్ వాటర్ బాత్ ను కూడా చాలా మంది సవాలుగా స్వీకరించారు. 10 నుంచి 15 నిమిషాల పాటు ఐస్ వాటర్ లో కూర్చొని ఈ థెరపీని తీసుకుంటారు. విరాట్ కోహ్లీ, ఉసేన్ బోల్ట్, రకుల్ ప్రీత్ సింగ్, సమంత సహా పలువురు సెలబ్రిటీలు ఐస్ వాటర్ బాత్ చేస్తున్న వీడియోలను పోస్ట్ చేశారు. ఈ వీడియో వైరల్‌గా మారింది. వర్కవుట్ చేసిన తర్వాత మన శరీర ఉష్ణోగ్రత ఎక్కువగా ఉంటుంది. ఈ సమయంలో ఐస్ వాటర్ బాత్ చేయడం చాలా మంచిది.

ఐస్ బాత్ అంటే.. బకెట్‌లో కొన్ని ఐస్ క్యూబ్‌లను ఉంచి స్నానం చేయడం కాదు. తల పైకి ఉంచి శరీరాన్ని మొత్తం ఐస్ నీటిలో ఉంచుతారు. అప్పుడే అది ప్రయోజనకరంగా ఉంటుందని నిపుణులు పేర్కొంటున్నారు. శరీరం, కండరాలలో గాయాలు, నొప్పులు ఐస్ వాటర్ బాత్ నుంచి ఉపశమనం పొందుతాయి. అందువల్ల, అథ్లెట్లు తరచుగా ఈ ఐస్ బాత్ థెరపీని తీసుకుంటారు. ఐస్ బాత్ మంటను తగ్గిస్తుంది. ఇది నొప్పిని తగ్గించడానికి లేదా గాయం నుండి కోలుకోవడానికి సహాయపడుతుంది. ఐస్ బాత్ వల్ల కలిగే చల్లని ఉష్ణోగ్రత రక్తనాళాలను సంకోచిస్తుంది. కండరాల నుండి లాక్టిక్ యాసిడ్, ఇతర జీవక్రియ వ్యర్థ ఉత్పత్తులను బయటకు పంపడంలో సహాయపడుతుంది.

ఇది కండరాల పునరుద్ధరణను పెంచుతుంది. వ్యాయామం తర్వాత నొప్పిని తగ్గిస్తుంది. ఐస్ వాటర్‌కు శరీరం బహిర్గతం చేయడం వల్ల రోగనిరోధక శక్తి పెరుగుతుంది. ఇది అంటువ్యాధులతో పోరాడటానికి, మొత్తం ఆరోగ్యాన్ని మెరుగుపరుస్తుంది. పడుకునే ముందు ఐస్ బాత్ తీసుకోవడం వల్ల మీ శరీర ఉష్ణోగ్రత తగ్గుతుంది. ఇది నిద్ర నాణ్యతను మెరుగుపరుస్తుంది. అలాగే, ఇది కొవ్వు మొత్తాన్ని తగ్గిస్తుంది. ఇంకా జీవక్రియను పెంచి.. బరువు తగ్గడానికి సహాయపడుతుంది. చల్లని నీటి వల్ల శరీరంలోని రక్తనాళాలు కుంచించుకుపోతాయి.

ఇది మొత్తం హృదయ ఆరోగ్యాన్ని మెరుగుపరుస్తుంది.. గుండె సంబంధిత సమస్యల ప్రమాదాన్ని తగ్గిస్తుంది. ఐస్ వాటర్ బాత్ వల్ల ఎవరు ప్రభావితమవుతారు?..ఐస్ వాటర్ బాత్ మన శరీరానికి నిజంగా ఆరోగ్యకరమైనదా? దాని గురించి మనం ఆలోచించాలి. ఐస్ వాటర్ బాత్‌లు చాలా ప్రయోజనాలను కలిగి ఉన్నప్పటికీ, అవి కొందరికి సమస్యలను కూడా కలిగిస్తాయి. మీరు అల్పోష్ణస్థితి, నరాల సమస్యలు, గుండె సమస్యలు, లేదా మీకు సున్నితమైన చర్మం లేదా ఇతర చర్మ సమస్యలు ఉన్నట్లయితే, ఐస్ బాత్ తీసుకునే ముందు వైద్యుడిని సంప్రదించండి. ఈ సమస్యలు ఉన్నవారికి ఐస్ వాటర్ బాత్ వల్ల సైడ్ ఎఫెక్ట్స్ ఎక్కువగా ఉంటాయి.