ఉదయాన్నే కరివేపాకు జ్యూస్ తాగితే మీ కడుపు మొత్తం క్లీన్ అవుతుంది.
కరివేపాకు ప్రతి కిచెన్‌లో తప్పకుండా లభిస్తుంది. సాధారణంగా సాంబారు, పప్పు, పోహా, ఉప్మా ఇలా వివిధ రకాల వంటల్లో సువాసన, రుచి కోసం తాలింపులో కరివేపాకు ఉపయోగం తప్పనిసరిగా ఉంటుంది. అయితే చాలామంది తినేటప్పుడు కరివేపాకును పాడేస్తుంటారు. వాడి వదిలేసేవాడిని అందుకే కరివేపాకులా అని పోలుస్తుంటారు. కానీ చాలామందికి కరివేపాకుతో కలికే ఆరోగ్య ప్రయోజనాల గురించి తెలియదు. అయితే కరివేపాకులో విటమిన్ బి2, విటమిన్ బి1, విటమిన్ ఎ, విటమిన్ సి, విటమిన్ ఇ వంటి విటమిన్లతో పాటు ఐరన్, కాల్షియం, ఫాస్పరస్ వంటి మినరల్స్ ఉన్నాయి.
ఇంకా ఈ ఆకులు యాంటీ డయాబెటిక్, యాంటీ ఆక్సిడెంట్, యాంటీ మైక్రోబియల్ వంటి ఔషధ ప్రభావ లక్షణాలను కనబరుస్తాయి. అదనంగా కరివేపాకులో మంచి కార్బోహైడ్రేట్లు, ప్రొటీన్లు, ఫైబర్ కూడా ఉన్నాయి. ఇవి మీకు వివిధ ఆరోగ్య ప్రయోజనాలను చేకూరుస్తాయి. కరివేపాకు జ్యూస్ తాగడం వల్ల ఈ కింది ఆరోగ్య ప్రయోజనాలను పొందవచ్చు. అధిక బరువును తగ్గిస్తుంది.. కరివేపాకులో ఉండే అనేక పోషకాలు మీరు ఆరోగ్యకరమైన రీతిలో బరువు తగ్గడానికి సహాయపడతాయి.
మీరు కూడా బరువు తగ్గించే ప్రయత్నంలో ఉంటే, కరివేపాకు రసం తాగడం వల్ల మీకు మేలు జరుగుతుంది. కరివేపాకులోని డైక్లోరోమీథేన్, ఇథైల్ అసిటేట్, మెహింబైన్ వంటి ముఖ్యమైన సమ్మేళనాలు శరీరంలో చెడు కొలెస్ట్రాల్‌ను తగ్గించడంలో సహాయపడతాయి. రోగనిరోధక శక్తిని పెంచుతుంది..కరివేపాకులోని యాంటీ ఆక్సిడెంట్ గుణాలు మనిషి రోగనిరోధక శక్తిని బలంగా ఉంచడంలో సహాయపడతాయి.
కరివేపాకు జ్యూస్‌ని క్రమం తప్పకుండా తాగడం వల్ల శరీరాన్ని వైరస్‌లు, ఇన్ఫెక్షన్ల నుండి కాపాడుకోవచ్చు. రక్తహీనత నివారణ..కరివేపాకు రసంలో పుష్కలంగా ఐరన్, ఫోలిక్ యాసిడ్ వంటి పోషకాలు లభిస్తాయి. ఇవి హిమోగ్లోబిన్ ఉత్పత్తిని పెంచుతాయి. తద్వారా రక్తహీనతను నివారించడంలో సహాయపడుతుంది. మధుమేహం నియంత్రణ..కరివేపాకు రసం తాగితే మధుమేహం అదుపులో ఉంటుంది.
కరివేపాకులో ఉండే హైపోగ్లైసీమిక్ గుణాలు షుగర్ లెవల్స్ ని కంట్రోల్ చేయడంలో సహాయపడతాయి. సీజనల్ ఇన్ఫెక్షన్ల నివారణ..సీజనల్ ఇన్ఫెక్షన్లను నివారించడానికి కరివేపాకు రసాన్ని తాగాలి. కరివేపాకులోని యాంటీబయాటిక్, యాంటీ ఫంగల్ లక్షణాలు క్రిములతో పోరాడటానికి సహాయపడతాయి. ఇది మిమ్మల్ని అనేక రకాల ఇన్ఫెక్షన్ల నుండి దూరంగా ఉంచడంలో సహాయపడుతుంది.
