వేయించిన శనగల్లో ఇంత పవర్ ఉందా..? రోజు గుప్పెడు తింటే చాలు. మీ శక్తి కూడా రెట్టింపు అవుతుంది.
ఉదయాన్నే ఒక గుప్పెడు వెయించిన శనగలు తింటే, అది మీ బరువును అదుపులో ఉంచుతుంది. మీరు ఊబకాయం బారినపడకుండా ఉంటారు. అల్పాహారం కోసం కూడా వీటిని తినొచ్చు. వేగించిన శనగలలో స్టెరోల్‌ అనే యాంటీ ఆక్సిడెంట్‌ ఉంటుంది. ఇది రక్తంలో చెడు కొలస్ట్రాల్‌ చేరకుండా అడ్డుపడుతుంది. నల్లశనగలలో విటమిన్లు, మినరల్స్‌, ప్రొటీన్‌తో పాటుగా ఫైబర్ కూడా ఉంటుంది. అందువల్ల వీటిని తింటే- మన శరీరానికి అవసరమైన పౌష్టికాహారం లభిస్తుంది. అయితే వేయించిన శనగలు లేదా పుట్నాలు చాలా రుచికరంగా ఉండటంతో పాటు కడుపు నిండిన భావనను అందిస్తాయి. వీటితో చాలా రుచికరమైన వంటకాలు కూడా చేయవచ్చు. పుట్నాల్లో కొలెస్ట్రాల్ ఉండదు.
వీటిలో విటమిన్ బి కాంప్లెక్స్, విటమిన్ సి, ఐరన్, సెలీనియం, మాంగనీస్, కాల్షియం, కాపర్, జింక్, పొటాషియం పుష్కలంగా ఉంటాయి. ఇవన్నీ గుండె జబ్బులు రాకుండా కాపాడతాయని డాక్టర్లు చెబుతున్నారు. ఈ పోషకాలు రక్తంలో గడ్డలు కట్టకుండా అరికడతాయి. అయితే పోషకాల నిధి..పుట్నాల్లో పోషకాలు పుష్కలంగా ఉంటాయి. ప్రోటీన్, ఫైబర్, విటమిన్లు, ఖనిజాలు, రోజుకు కావాల్సిన ఐరన్, మాంగనీస్, ఫోలేట్, జింక్ లాంటి పోషకాలు చాలా వరకు లభిస్తాయి. అంతేకాకుండా, శనగల్లో కొవ్వు చాలా తక్కువ, కొలెస్ట్రాల్ అస్సలు ఉండదు. హెల్తీ ఫుడ్ కోసం చూస్తున్న వారికి ఛాయిస్ అవుతాయి.
షుగర్ కంట్రోలర్..పుట్నాల గ్లైసెమిక్ ఇండెక్స్ చాలా తక్కువ. అంటే, ఇవి తింటే రక్తంలో చక్కెర స్థాయి ఒక్కసారిగా పెరగదు. బదులుగా, చక్కెర నెమ్మదిగా, స్థిరంగా రక్తంలోకి వెళ్తుంది. దీంతో రక్తంలో చక్కెర స్థాయి అదుపులో ఉంటుంది, ఒక్కసారిగా పెరిగి, పడిపోదు. అందుకే, షుగర్ వ్యాధి ఉన్నవాళ్లకు లేదా రక్తంలో చక్కెర స్థాయిని స్థిరంగా ఉంచుకోవాలనుకునేవాళ్లకు ఇవి చాలా మంచివి. బరువు తగ్గాలనుకునే వారికి మంచిది.. చిక్‌పీస్‌లో ప్రోటీన్, ఫైబర్ ఎక్కువగా ఉంటాయి. వీటిని తింటే చాలా సేపు ఆకలిగా అనిపించకుండా ఉంటుంది. దీంతో ఎక్కువగా తినకుండా, ఆహారం మధ్యలో చిరుతిండి తినకుండా ఉండగలం. ఫలితంగా, బరువు తగ్గడం సులభమవుతుంది. రోగ నిరోధక శక్తి..పుట్నాల్లో ఫ్లావనాయిడ్స్, పాలీఫెనోల్స్ లాంటి యాంటీఆక్సిడెంట్లు పుష్కలంగా ఉంటాయి.
యాంటీఆక్సిడెంట్లు శరీరంలోని కణాలను ఫ్రీ రాడికల్స్ నుండి రక్షిస్తాయి. ఫ్రీ రాడికల్స్ వల్ల కణాలు దెబ్బతింటాయి, చాలా వ్యాధులు వస్తాయి. యాంటీఆక్సిడెంట్లలో యాంటీ-ఇన్‌ఫ్లమేటరీ గుణాలు కూడా ఉంటాయి. అంటే, శరీరంలో వాపు తగ్గడానికి సహాయపడతాయి. కాబట్టి, రోజూ పుట్నాలు తింటే.. మన రోగ నిరోధక శక్తి పెరుగుతుంది, చాలా వ్యాధులు రాకుండా ఉంటాయి. గుండె ఆరోగ్యం.. రోజూ పుట్నాలు తింటే గుండె ఆరోగ్యం బాగుంటుంది. ఎందుకంటే, పుట్నాలల్లో ఫైబర్, పొటాషియం, మెగ్నీషియం ఉంటాయి. ఇవి చెడు కొలెస్ట్రాల్ తగ్గించి, రక్తపోటును అదుపులో ఉంచుతాయి. దీంతో గుండె జబ్బులు, గుండెపోటు, పక్షవాతం వచ్చే ప్రమాదం తక్కువ.
అంతేకాకుండా, వీటిలో యాంటీఆక్సిడెంట్లు కూడా ఉంటాయి. ఇవి గుండెకు మంచివి. ఇంకా చెప్పాలంటే, కార్బోహైడ్రేట్స్, ప్రోటీన్, ఐరన్ ఉంటాయి. కాబట్టి, పుట్నాలు తింటే ఎనర్జీ పెరుగుతుంది, అలసట తగ్గుతుంది. ఎప్పుడూ ఎనర్జిటిక్‌గా ఉండాలంటే.. రోజుకో గుప్పెడు వేయించిన శనగలు తినాలి. వీటిలో కాల్షియం, ఫాస్పరస్, మెగ్నీషియం లాంటి ఎముకలకు మంచి చేసే ఖనిజాలు కూడా ఉంటాయి. కాబట్టి, ఎముకలు దృఢంగా ఉండాలంటే వీటిని తరచుగా తినాలి. డైజెషన్ హెల్త్.. పుట్నాలలో ఫైబర్ చాలా ఎక్కువగా ఉంటుంది. ఫైబర్ మలబద్ధకాన్ని నివారిస్తుంది. అంతేకాకుండా, ఫైబర్ కడుపులో మంచి బ్యాక్టీరియాకు ఆహారంలా పనిచేస్తుంది. దీంతో కడుపు ఆరోగ్యంగా ఉంటుంది, డైజెషన్ బాగా జరుగుతుంది. అయితే, ఒకేసారి ఎక్కువ పుట్నాలు తినకూడదు. ఎక్కువ తింటే కడుపులో గ్యాస్, అజీర్ణం లాంటి సమస్యలు వస్తాయి.
