స్టార్ హీరోలకు చెమటలు పట్టిస్తున్న శ్రీలీల, అసలు విషయమేంటంటే..?
శ్రీలీల..ధమాకా తర్వాత రామ్ పోతినేని ‘స్కంధ’ వచ్చింది. ఈ సినిమా పెద్దగా ఆకట్టుకోలేదు. ఆ తర్వాత వచ్చిన వైష్ణవ్‌ తేజ్‌ ‘ఆదికేశవ’, నితిన్‌ ‘ఎక్‌ ట్రా ఆర్డినరీ మ్యాన్‌’ ఇలా అన్ని చిత్రాలన్నింటిలోనూ శ్రీలీలనే హీరోయిన్‌‌గా చేసింది. అయితే ఈ సినిమాలన్ని పోయాయి. ఇక్కడ మరో విషయం ఏమంటే.. ఈ సినిమాలన్నీ నెలల వ్యవధిలో ప్రేక్షకుల ముందుకు వచ్చి.. డిజాస్టర్‌ టాక్‌ని సంపాదించుకున్నాయి. ఇక ఆమె నటించిన లేటెస్ట్ మూవీ గుంటూరుకారం విషయానికి వస్తే.. భారీ అంచనాల నడుమ వచ్చిన ఈ మూవీ పెద్దగా ఆకట్టుకోలేకపోయింది.
అయితే ఆమె డ్యాన్స్ టాలెంట్ ఆమె కెరీర్ గ్రాఫ్ ను కాస్త నెమ్మదించింది. ఆమె ఎనర్జిటిక్ డాన్స్ తో సరితూగలేక కొందరు హీరోలు ఆమెతో కలిసి నటించడానికి కొంచెం ఇబ్బంది పడుతున్నారని రూమర్స్ వినిపిస్తున్నాయి. శ్రీలీల సినిమా సెట్స్ లో తన స్టెప్పులను చాలా వేగంగా నేర్చుకుని రాక్ చేయడానికి సిద్ధపడుతుందని, అయితే హీరోలు మ్యాచ్ చేయడానికి కొంచె సమయం తీసుకుంటారని, అందువల్ల ఇది కొంత మైనస్ గా మారుతుందని టాలీవుడ్ టాక్. కఠినమైన డాన్స్ మూవ్ మెంట్స్ లో వేగంగా ప్రావీణ్యం సంపాదించి టాప్ కొరియోగ్రాఫర్స్ కు డార్లింగ్ గా మారిపోయింది.
ఆమె చివరి చార్ట్ బస్టర్ ‘కురిచి మదతపెటి’ కూడా మ్యూజికల్ ఛార్టులను బద్దలు కొట్టిందని, అది ఒక రకమైన సంచలనంగా మారింది. సూపర్ స్టార్ మహేష్ బాబు ‘గుంటూరు కారం’ కార్యక్రమంలో శ్రీలీల డ్యాన్సింగ్ సామర్ధ్యాన్ని బాహాటంగా ప్రశంసించారు. ఇతర హీరోలు ఆమెతో స్క్రీన్ షేర్ చేసుకోవడానికి ఆసక్తి చూపుతూనే, తమలోని డాన్స్ కు మరింత మెరుగులు దిద్దుతున్నారు. జూనియర్ ఎన్టీఆర్, అల్లు అర్జున్, రామ్ చరణ్ లాంటి స్టార్స్ డాన్స్ సామర్థ్యం చూపించగలరని టాలీవుడ్ క్రిటిక్స్ అంటున్నారు.
అయితే మహేష్ బాబు, రవితేజ లాంటి స్టార్స్ తో నటించిన శ్రీలీల ఇప్పుడు పవన్ కళ్యాణ్ తో సినిమా చేయబోతుంది. తెలుగు ప్రేక్షకుల్లో ఆమెకు ఉన్న క్రేజ్, పాపులారిటీ అమాంతం పెరిగిపోతోందని, తెలుగు దర్శకనిర్మాతలు అందుకే ఆమెకు అవకాశాలు ఇస్తున్నారని సమాచారం. అయితే శ్రీలీలతో ఒకటి రెండు మంచి సాంగ్స్ పెడితే సినిమాకే ఫస్ల్ అవుతుందని మేకర్స్ ఆలోచన. అందుకే ఆమెకు స్పెషల్ సాంగ్స్ వస్తున్నాయని టాక్.
