Kota: కోట శ్రీనివాసరావు 750 సినిమాలు చేసిన.. ఆ కోరిక ఇప్పటికి తీరలేదు. ఎందుకో తెలిస్తే..?

Kota: కోట శ్రీనివాసరావు 750 సినిమాలు చేసిన.. ఆ కోరిక ఇప్పటికి తీరలేదు. ఎందుకో తెలిస్తే..?

Kota Srinivasa Rao: నటనకు నిఘంటువుగా, ప్రతి పాత్రకు జీవం పోసే విలక్షణ నటుడిగా ఆయనకు కోట్లాది మంది అభిమానులున్నారు. ఆయన గొంతులో పలికే ప్రతీ మాటా, ఆయన కళ్ళలో కనిపించే ప్రతి భావమూ తెలుగు ప్రేక్షకులను ఎంతగానో ఆకట్టుకుంది. అయితే 1978లో చిరంజీవి సినిమా ప్రాణం ఖరీదు తోనే ఆయన కూడా ఇండస్ట్రీలోకి అడుగు పెట్టారు. కమెడియన్ గా , విలన్ గా, క్యారెక్టర్ ఆర్టిస్టుగా సుమారు 750 కు పైగా సినిమాల్లో నటించారు.

తండ్రిగా, తాతగా, మామగా, బాబాయ్‌గా.. ఇలా ఎన్నో పాత్రల్లో ఒదిగిపోయి ఆడియెన్స్ చేత చప్పట్లు కొట్టించుకున్నారు. తన నటనా ప్రతిభకు ప్రతీకగా పద్మశ్రీ, నంది పురస్కారాలు సొంతం చేసుకున్నారు. అయితే తన 40 ఏళ్ల సినిమా కెరీర్ లో కోట శ్రీనివాసరావుకు తీరని కోరిక ఒక్కటే ఒకటుంది. దాని కోసం ఆయన 18 ఏళ్ల పాటు పరితపించారట. కానీ అది నెరవేరలేదట. అదేంటంటే.. స్వర్గీయ నందమూరి తారక రామారావుతో కలిసి నటించడం.

Also Read: ప్రమాదానికి కారణం అదేనా.?

అవును.. తన 40 ఏళ్ల సినీ ప్రయాణంలో సీనియర్ ఎన్టీఆర్‌తో కలిసి ఒక్క సీన్ లో నైనా కలిసి నటించలేదేఅన్న బాధ ఆయనలో ఉండేదట. సినిమా ఇండస్ట్రీలోకి ఎంట్రీ ఇచ్చాక ఈ అవకాశం ఆయన 18 ఏళ్లు ఎదురు చూశారట. కానీ అది నెరవేరలేదు. కోట శ్రీనివాస రావు సినిమాల్లోకి ఎంట్రీ ఇచ్చే సమయానికే ఎన్టీఆర్ ఇండస్ట్రీని వదిలి పెట్టి రాజకీయాల్లోకి వెళ్లిపోయారు. ఆ తర్వాత రీ ఎంట్రీ ఇచ్చినప్పటికీ కేవలం మూడు, నాలుగు సినిమాల్లోనే నటించారు ఎన్టీఆర్.

Also Read: రెండవ సారీ తల్లి కాబోతున్న దేవర నటి.

చివరికీ ఆ సినిమాల్లోనూ కోటకు అవకాశం రాలేదు. చివరకు ఎన్టీఆర్, మోహన్ బాబు ప్రధాన పాత్రల్లో నటించిన మేజర్ చంద్రకాంత్ సినిమాలో ఒక పాత్ర కోసం కోటకు పిలుపు వచ్చింది. కానీ.. అప్పటికే కోటకు బిజీ షెడ్యూల్‌ ఉండడంతో ఆ ఛాన్స్ కూడా పోయింది. చివరకు మేజర్ చంద్ర కాంత్ సినిమానే ఎన్టీఆర్ ఆఖరి మూవీ కావడంతో కోట శ్రీనివాసరావు కోరిక తీరలేదు.