అయోధ్యలో అద్భుత దృశ్యం, బాలరాముడి నుదుటిని ముద్దాడనున్న సూర్యుడు.
రామ మందిరం మూడో అంతస్తు నుంచి గర్భగుడిలో విగ్రహంపైకి సూర్య కిరణాలు ప్రసరించేలా కటకాలు, అద్దాలు, గేర్‌బాక్స్‌లు, గొట్టాలను అమర్చనున్నారు. చంద్రమాన తిథికి అనుగుణంగా ఏటా శ్రీరామ నవమి నాడు మధ్యాహ్నం 12 గంటలకు విగ్రహం నుదుటన సూర్య కిరణాలు ప్రసరిస్తాయి. కాగా, రామ మందిరం నిర్మాణంతో పాటూ ఈ ప్రత్యేక వ్యవస్థలోనూ ఎలాంటి ఉక్కు, ఇనుము, బ్యాటరీలు, విద్యుత్తు వాడలేదని టెంపుల్ ట్రస్ట్ వెల్లడించింది. రామ నవమి రోజున, సూర్యకాంతి ఆలయం మూడవ అంతస్తులో అమర్చిన మొదటి అద్దంపై పడుతుందని, ఇక్కడ నుండి ప్రతిబింబిస్తుంది.
ఇత్తడి పైపులోకి ప్రవేశిస్తుంది. దీని తరువాత ఇది ఇత్తడి పైపులో అమర్చబడిన రెండవ అద్దాన్ని తాకుతుంది. 90 డిగ్రీల వద్ద మళ్లీ ప్రతిబింబిస్తుంది. దీని తరువాత ఇత్తడి పైపు గుండా వెళుతున్నప్పుడు, ఈ కిరణం మూడు వేర్వేరు లెన్స్‌ల గుండా ప్రవహించి, పొడవైన పైపు గర్భగుడి చివర అమర్చిన అద్దాన్ని తాకుతుంది. గర్భగుడిలో అమర్చిన అద్దాన్ని తాకిన సూర్య కిరణాలు నేరుగా రామ్లాలా నుదుటిపై 75 మిమీ వృత్తాకార తిలకాన్ని వర్తిస్తాయి. అది సుమారు 6 నిమిషాల పాటు ప్రకాశిస్తుంది.
ఇందుకోసం శాస్త్రవేత్తలు ప్రత్యేక ఆప్టో-మెకానికల్ వ్యవస్థను సిద్ధం చేశారని, ఇది రామ నవమి రోజున మాత్రమే రామ మందిరం గర్భగుడిలో ఆవిష్కృతం కానుంది. ఏటా శ్రీ రామనవమి రోజు మధ్యాహ్నం 12 గంటలకు..అంటే రామయ్య కళ్యాణం జరిగే అభిజిత్ లగ్నానికి కొద్దిసేపు ముందు మొదలయ్యే సూర్య కిరణాల వెలుగు 6 నిమిషాల పాటు కొనసాగనుంది. సూర్య కిరణాలు రామచంద్రుడి నుదిటిపై ప్రసరించేలా కటకాలు, అద్దాలు, గేర్‌బాక్స్‌లు, గొట్టాలను ఏర్పాటు చేశారు. మూడో అంతస్తు నుంచి నేరుగా బాలరాముడి నుదుటిపై కిరణాలు ప్రసరించేలా ఈ పరికరాలు అమర్చారు.
సీఎస్‌ఐఆర్‌ ఆధ్వర్యంలో పనిచేస్తున్న సెంట్రల్‌ బిల్డింగ్‌ రీసెర్చ్‌ ఇన్‌స్టిట్యూట్‌ -సీబీఆర్ఐ ఈ ప్రత్యేక ఏర్పాట్లు చేసింది. ఇండియన్‌ ఇన్‌స్టిట్యూట్‌ ఆఫ్‌ ఆస్ట్రోఫిజిక్స్‌-ఐఐఏ వీరికి తోడ్పాటునందించింది. ఇందుకు అవసరమైన వస్తువులను బెంగళూరు కేంద్రంగా పనిచేస్తున్న ఆప్టిక్స్‌ సంస్థ తయారు చేసి అందించినట్టుగా తెలిసింది. ఇప్పటికే ట్రయల్ రన్ పూర్తైందని ఆయోధ్య ఆలయ నిర్వాహకులు వెల్లడించారు. మరికొన్ని గంటల్లో రామ్ లల్లా నుదుటిపై అద్భుతమైన సూర్య తిలకం ఉంటుంది. ఆ సుందర దృశ్యాన్ని కనువిందుగా తిలకించేందుకు రామ భక్తులు ఎదురుచూస్తున్నారు.
