ఇలాంటి చేపలు తరచూ తింటుంటే యూరిక్ యాసిడ్ సమస్య త్వరగా తగ్గిపోతుంది.

యూరిక్ యాసిడ్.. ఇది ఒక వ్యర్థ పదార్థం. దీని పెరుగుదల కారణంగా శరీరంలో మూత్రపిండాల పనితీరును ప్రభావితం చేస్తుంది. అంటే కిడ్నీపై ప్రత్యక్ష ప్రభావం చూపుతుంది. మన శరీరంలో యూరిక్ యాసిడ్ పెరిగినప్పుడు అది కీళ్లలో, కణజాలాలలో నిక్షిప్తమై దాని వల్ల అనేక ఇతర సమస్యలు వచ్చే అవకాశాలు ఉన్నాయి. అంతే కాదు శరీరంలో యూరిక్ యాసిడ్ సమస్య వల్ల హైబీపీ సమస్యలు, కీళ్ల నొప్పులు, నడవడంలో ఇబ్బంది, వాపు వంటివి ఏర్పడతాయి. అయితే యూరిక్ యాసిడ్ స్థాయిలను అదుపులో ఉంచాలనుకునేవారికి వంజరం రకం చేపలను సిఫార్సు చేస్తారు.

వంజరం చేపలను ఆహారంగా తీసుకోవటం ద్వారా ఇవి శరీరంలో యూరిక్ యాసిడ్‌ ను విచ్ఛిన్నం చేసే సమ్మేళనాలుగా సహాయపడతాయి. వంజరం రకం అత్యంత పోషకమైన చేపలుగా పరిగణించబడతాయి. వంజరం చేపల్లో ప్రోటీన్ అధికంగా ఉంటుంది. వంజరం చేపలు ప్రోటీన్, విటమిన్లు B2, B3, B6 మరియు B12 మరియు విటమిన్ D యొక్క అద్భుతమైన మూలం. నియాసిన్,ఐరన్, విటమిన్ B6,రిబోఫ్లావిన్, మెగ్నీషియం,ఫాస్పరస్, ఫోలేట్ మరియు సెలీనియంలను కూడా అందిస్తుంది. వంజరం కూడా సాల్మొన్ మాదిరిగానే రుచిగా ఉంటుంది.

ఈ చేపలలో పాదరసం తక్కువగా ఉంటుంది. అయితే పిల్లలు , గర్భిణీ స్త్రీలు ఈ చేపలను తినకూడదు. ఈ చేపలు మెదడు పనితీరును పెంచగలవని నిపుణులు చెబుతున్నారు. వంజరం వంటి చేపలను తీసుకోవడం ద్వారా, అధిక యూరిక్ యాసిడ్ స్థాయిలు ఉన్న వ్యక్తులు లేదా గౌట్ వంటి పరిస్థితులను ఎదుర్కొంటున్నవారు యూరిక్ యాసిడ్ ఏర్పడే ప్రమాదాన్ని తగ్గించడంలో సహాయపడుతుంది. యూరిక్ యాసిడ్ స్థాయిలను అదుపులో ఉంచటానికి వంజరం ఎలా ప్రయోజనకరంగా ఉంటుందంటే :- తక్కువ ప్యూరిన్.. కొన్ని ఇతర రకాల సీఫుడ్, మాంసాలతో పోలిస్తే మాకేరెల్ తక్కువ ప్యూరిన్‌లను కలిగి ఉంటుంది.

అధిక-ప్యూరిన్ ఆహారాలు యూరిక్ యాసిడ్ స్థాయిలను పెంచడానికి దోహదం చేస్తాయి. కాబట్టి వంజరం వంటి తక్కువ-ప్యూరిన్ చేపలను ఎంచుకోవడం మంచిది. ఒమేగా-3 ఫ్యాటీ యాసిడ్స్ సమృద్ధిగా.. వంజరం చేపలు ఒమేగా-3 ఫ్యాటీ యాసిడ్స్ కు అద్భుతమైన మూలం, ఇది యాంటీ ఇన్ఫ్లమేటరీ లక్షణాలను కలిగి ఉంటుంది. కాబట్టి మాకేరెల్ వంటి ఒమేగా-3-రిచ్ ఫుడ్స్ తీసుకోవడం గౌట్ లక్షణాల తీవ్రతను తగ్గించడంలో సహాయపడుతుంది. ప్రోటీన్ మూలం.. వంజరం చేప అధిక ప్రోటీన్‌ను అందిస్తుంది, ఇది మొత్తం ఆరోగ్యానికి ముఖ్యమైనది. రెడ్ మీట్ కు ఇది మంచి ప్రత్యామ్నాయం.

యూరిక్ యాసిడ్ స్థాయిలను అదుపులో ఉంచే కొన్ని భారతీయ చేప రకాలు :- కవల్లు చేపలు(సార్డినెస్).. సార్డినెస్ అనేది యూరిక్ యాసిడ్ ను అదుపులో ఉంచటంలో సహాయపడే మరొక తక్కువ ప్యూరిన్ కలిగిన చేప. ఈ చేపలో ఒమేగా-3 ఫ్యాటీ యాసిడ్స్‌ పుష్కలంగా ఉంటాయి. శరీరానికి అవసరమైన పోషకాలను అందిస్తాయి. చందువా చేపలు (పాంఫ్రెట్ ).. పాంఫ్రెట్ అనేది ఒక ప్రసిద్ధ భారతీయ చేప. దీనిని చందువా అని కూడా పిలుస్తారు. ఇది యూరిక్ యాసిడ్ స్థాయిలు ఎక్కువగా ఉన్న వ్యక్తులకు సాధారణంగా సురక్షితమైనదిగా చెప్పవచ్చు. ఇది ప్రోటీన్ యొక్క లీన్ మూలం. ప్యూరిన్ దీనిలో తక్కువగా ఉంటుంది.

బాసా చేప.. క్యాట్ ఫిష్ తరహాలోనే ఉండే ఈ చేప భారతదేశంలో సాధారణంగా వినియోగించబడే మంచినీటి చేప. బాసాగా పిలవబడే దీనిలో ప్యూరిన్‌ తక్కువగా ఉంటుంది. యూరిక్ యాసిడ్ సమస్య ఉన్నవారు దీనిని తీసుకోవటం మంచిది. గొరక చేపలు (టిలాపియా).. భారతదేశంలో లభించే చేప కానప్పటికీ, సాధారణంగా ప్యూరిన్‌ దీనిలో తక్కువగా ఉంటుంది. ఇది మంచి రుచి కలిగి ఉండే చేప. సీలావతి చేప (రోహు).. రోహు అనేది మరొక మంచినీటి చేప. దీనిని సీలావతిగా పిలుస్తారు. ఇది అధిక యూరిక్ యాసిడ్ స్థాయిలు ఉన్నవారు తీసుకోవచ్చు. ప్రోటీన్ తోపాటు శరీరానికి అవసరమైన పోషకాలను అందిస్తుంది.