ఇలాంటి లక్షణాలు ఉన్న అమ్మాయి పెళ్లి చేసుకుంటే మీ జీవితం నరకమే. ఎందుకంటే..?
పెళ్ళి అనగా సమాజంలో ఇద్దరు భాగస్వామ్యుల మధ్య హక్కులు, బాధ్యతలను స్థాపించే ఒక చట్టబద్ధమైన ఒప్పందం. వివాహం నిర్వచనం వివిధ సంస్కృతుల ప్రకారం మారుతుంది,కానీ ప్రధానంగా వ్యక్తుల మధ్య సంబంధాలలో,సాధారణంగా సన్నిహిత, లైంగిక సంబంధాలలో సంతరించుకున్న వ్యవస్థ. అయితే పెళ్లి అనేది నూరెళ్ల బంధం.. వివాహానికి ముందు ప్రతి వ్యక్తి (మహిళ లేదా పురుషుడు) తన వైవాహిక జీవితం గురించి కలలు కంటారు. కానీ చెడ్డ వ్యక్తి వారి జీవిత భాగస్వామిగా మారితే, అతని సంతోషకరమైన జీవితానికి గ్రహణం పడుతుంది.
పెళ్లి చేసుకోవడం ఒక ముఖ్యమైన నిర్ణయం, కానీ మీ భాగస్వామి కొన్ని అలవాట్లు భరించలేనంతగా మారితే, జీవితాన్ని గడపడం కష్టంగా మారుతుంది. పరస్పరం అవగాహన, మంచి స్వభావం ఉన్న వ్యక్తితో వివాహం జరగాలి. కాబోయే భాగస్వామికి కొన్ని వింత అలవాట్లు ఉంటే, వివాహం తర్వాత అది మీకు సమస్యగా మారుతుంది. ఇదే క్రమంగా కంటిన్యూ అయితే.. ప్రతిరోజూ మీరు ఊపిరిసలపని విధంగా నరకం అనుభవించాల్సి ఉంటుంది. అబద్ధాలకోరు.. మీ కాబోయే జీవిత భాగస్వామికి తరచుగా అబద్ధాలు చెప్పి, సాకులు చెప్పే అలవాటు ఉన్నా..
తరచూ వాగ్దానాలను ఉల్లంఘించినా ఇది అతని ప్రాథమిక స్వభావమని.. అంత తేలికగా మారరని అర్థం చేసుకోండి. ఒకటి లేదా రెండు తప్పులను క్షమించవచ్చు.. కానీ అది వ్యసనంగా మారినట్లయితే, అలాంటి వ్యక్తిని వదిలించుకోవడం మంచిది. స్వభావాన్ని నియంత్రించడం.. వివాహానంతరం, భార్యాభర్తలిద్దరూ ఒకరికొకరు బాధ్యత వహించాల్సి ఉంటుంది. దీనికి పెద్దలు సరైన సలహా కూడా ఇస్తారు. అయితే మీకు కాబోయే జీవిత భాగస్వామి మీ.. స్వభావాన్ని నియంత్రించినట్లయితే అది ప్రమాదకరమైన పరిస్థితి. పెళ్లి తర్వాత ఆ వ్యక్తి మీపై ఆధిపత్యం చెలాయించగలడు.
ఇలా దుస్తులు వేసుకోవద్దు, అక్కడికి వెళ్లవద్దు, ఆ స్నేహితుడిని కలవవద్దు, నా అనుమతి లేకుండా ఎవరితోనూ మాట్లాడవద్దు.. ఇలాంటివి సహించకండి.. సంబంధంలో పరస్పర అవగాహన ముఖ్యం అందులో ఒత్తిడికి చోటు లేదు. ఎగతాళి లేదా అవమానించడం.. భాగస్వామి మిమ్మల్ని గౌరవించకపోతే వదిలిపెట్టడం మంచిది.. ఎప్పుడూ మిమ్మల్ని తిట్టి, స్నేహితుల ముందు లేదా బంధువుల ముందు మిమ్మల్ని అవమానిస్తే, ఈ సంబంధం ఎక్కువ కాలం కొనసాగదు.
ఎందుకంటే క్రమంగా మీలో న్యూనతభావం ఏర్పడుతుంది. ఇది మానసిక క్షోభకు దారి తీస్తుంది. మానసిక ఆరోగ్యం కోసం ఎప్పుడూ మంచిది కాదు. క్షమాపణలు చెప్పకపోవడం.. మీకు కాబోయే భాగస్వామి పెద్ద తప్పు చేసిన తర్వాత కూడా క్షమాపణ చెప్పకపోతే, అతని వైఖరి చాలా మొండిగా ఉందని అర్థం. ఎందుకంటే ఒక వ్యక్తి తన తప్పును అంగీకరించిన తర్వాత మాత్రమే ముందుకు సాగగలడు.. అలాంటి వ్యక్తిని జీవితంలో భాగం చేసుకోకుంటే చాలా మంచిది.
