మరో ప్రాణాంతక వైరస్ వచ్చేసింది, WHO సంచలన హెచ్చరికలు.
ప్రస్తుతం ఈ వైరస్ సోకిన వారి సంఖ్య, మూడు వేలకు పైగా ఉంది. కరోనా వైరస్‌‌కు ఎలాంటి వ్యాక్సిన్ గానీ, యాంటీ వైరల్ చికిత్సా విధానం గానీ అందుబాటులో లేదు. అసలు కరోనా అంటే లాటిన్ భాషలో కిరీటం అని అర్ధం. అయితే మరో ప్రాణాంతక వైరస్ ప్రపంచాన్ని భయపెట్టేందుకు వచ్చేసింది.
కరోనా వైరస్ ఫ్యామిలీకి చెందిన ప్రాణాంతక మెర్స్-కోవ్ (మిడిల్‌ ఈస్ట్‌ రెస్పిరేటరీ సిండ్రోమ్‌) కలకలం రేపుతోంది. అబుదాబీలో ఓ 28 ఏళ్ల యువకుడిలో మెర్స్-కోవ్ వైరస్ వెలుగు చూసింది. దీన్ని ప్రపంచ ఆరోగ్య సంస్థ (డబ్ల్యూహెచ్ఓ) కూడా నిర్ధరించింది.
తడు సన్నిహితంగా మెలిగిన వారిని గుర్తించి పరీక్షించగా.. ఎవ్వరికి మెర్స్-కోవ్ వైరస్ సోకలేదని తెలిపింది. యునైటెడ్‌ అరబ్‌ ఎమిరేట్స్‌లోని అల్‌ ఐన్‌ నగరానికి చెందిన ఓ వ్యక్తి ఇటీవల అనారోగ్యం బారిన పడగా అతడిని స్థానిక ఆసుపత్రిలో చేర్పించారు.
అనంతరం పీసీఆర్‌ పరీక్షలు జరపగా మెర్స్-కోవ్‌గా నిర్ధరణ అయ్యింది. అతడితో పాటు సన్నిహితంగా మెలిగిన 108 మందిని పరీక్షించగా.. ఎవ్వరిలోనూ వైరస్ జాడలు కనిపించలేదని ప్రపంచ ఆరోగ్య సంస్థ తెలిపింది. ఒంటెల వంటి జంతువుల నుంచే వైరస్ సోకి ఉండవచ్చని అనుమానించారు.
ఇన్‌ఫెక్షన్‌ బారిన పడిన ఈ వ్యక్తి ఒంటెలతో సమీపంగా మెలిగిన దాఖలాలు లేవని తెలుస్తోంది. మరోవైపు.. ప్రస్తుతం అతడి ఆరోగ్య పరిస్థితిపైనా డబ్ల్యూహెచ్‌వో, యూఏఈ ఆరోగ్యశాఖ నుంచి ఎటువంటి ప్రకటనా రాలేదు.
