ఛీ వీళ్లసలు మనుషులేనా..! బాలనటిపై దారుణ ట్రోలింగ్, దీంతో తండ్రి ఏం చేసాడంటే..?
సోషల్ మీడియా వినియోగం పెరిగాక.. ఇలాంటి మనుషులు మన సమాజంలో విపరీతంగా పెరిగారు. సోషల్ మీడియాలో ట్రోల్‌ చేయాలంటే.. ముఖం చూపించాల్సిన పని లేదు. ఎక్కడో చాటుగా కూర్చుని.. నచ్చని వాళ్ల మీద విమర్శలు చేస్తూ.. శునకానందం పొందవచ్చు. అయితే ఇలా విమర్శించే వారికి సరదాగానే ఉండవచ్చు.. కానీ వాటిని ఎదుర్కొనే వారికి ఎంత బాధకరమో ఊహించలేరు. అయితే దేవానంద, ఆమె అతని కుటుంబం సోషల్ మీడియాలో దారుణమైన ట్రోలింగ్ ఎదుర్కొంటూ ఫిర్యాదు చేసేందుకు ముందుకు వచ్చారు.
ఈ క్రమంలో దేవానంద తండ్రి జిబిన్ ఎర్నాకులం సైబర్ పోలీసులకు ఫిర్యాదు చేశారు. దేవానంద నటించిన కొత్త సినిమా ‘గూ’ కోసం ఇచ్చిన ఇంటర్వ్యూలోని కొన్ని భాగాలను అనుమతి లేకుండా చెత్తగా ప్రచారం చేశారనేది ఫిర్యాదు. తనను ఉద్దేశపూర్వకంగా అవమానించే లక్ష్యంతో కంటెంట్ క్రియేటర్లుగా చెప్పుకునే కొందరు వ్యక్తులు సోషల్ మీడియా ద్వారా ఆ వీడియోలను వ్యాప్తి చేశారని,
ఇది తన పదేళ్ల కుమార్తెకు మానసిక క్షోభను కలిగించిందని తండ్రి పోలీసులకు ఇచ్చిన ఫిర్యాదులో పేర్కొన్నారు. ఓ ఆన్‌లైన్ ఛానెల్‌కు ఇచ్చిన ఇంటర్వ్యూలో ‘కొత్త తరం పిల్లలు చాలా మారిపోయారు, క్యూట్‌నెస్ కోసం వెతకడం లేదు’ అని దేవానంద చేసిన వ్యాఖ్య చిన్న పిల్లనే విషయాన్ని కూడా పరిగణనలోకి తీసుకోకుండా సర్వత్రా విమర్శలు, ట్రోల్స్‌కు కారణమైంది. దీంతో దేవానందకు అనుకూలంగా, వ్యతిరేకంగా పలువురు సోషల్ మీడియా ద్వారా ముందుకు వచ్చారు.
ఒక ఛానెల్‌కు ఇచ్చిన ఇంటర్వ్యూ నుండి ఉద్దేశపూర్వకంగా మా అనుమతి లేకుండా నా కుమార్తెను సోషల్ మీడియాలో అవమానించే లక్ష్యంతో కొంతమంది వ్యక్తులు తమ సోషల్ మీడియా ఖాతాల ద్వారా కంటెంట్ సృష్టికర్తలుగా చెప్పుకుంటున్నారని దేవానంద తరపున దేవానంద తండ్రి జిబిన్ ఫిర్యాదు చేశారు. ఇంటర్వ్యూలో కొంత భాగాన్ని మాత్రమే కట్ చేసి వారి స్వంత వీడియోను జోడించి ప్రచారం చేస్తున్నారని పేర్కొన్నారు.
