పొరపాటున కూడా ఈ ఆహారపదార్థాలను పచ్చిగా తినకండి, పొరపాటున తిన్నారో..?

చాలా మంది చేసే ఒక సాధారణ తప్పు ఏమిటంటే కొన్ని కూరగాయలను ఉడికించి కాకుండా పచ్చిగా తినడం. కొన్ని కూరగాయలలో సహజమైన విషపదార్ధాలు, జీర్ణం కావడానికి కష్టతరమైన చక్కెరలు ఉంటాయి, ఇవి గ్యాస్ట్రోనామికల్ వ్యాధులకు దారితీయవచ్చు. కూరగాయలు, పండ్లను శుభ్రంగా కడిగినా సరే.., వాటి మీద పురుగుల మందుల ప్రభావం తొలిగినా సరే అవి పచ్చిగా తినడానికి పనిచేయవు. అయితే పచ్చి లేదా పూర్తిగా ఉడకని గుడ్లు శరీరానికి హాని కలిగిస్తాయి. వాటిలో సాల్మొనెల్లా బ్యాక్టీరియా ఉండవచ్చు. ఇది ఫుడ్ పాయిజనింగ్‌కు దారితీస్తుంది.

విరేచనాలు, వాంతులు, జ్వరం వంటి సమస్యలు ఉండవచ్చు. బటన్ పుట్టగొడుగుల వంటి కొన్ని పుట్టగొడుగులను పచ్చిగా తినవచ్చు. కానీ అనేక రకాల అడవి పుట్టగొడుగులలో విష పదార్థాలు ఉండవచ్చు. ఇవి అవయవాలకు హాని కలిగించవచ్చు. వాంతులు, వికారం కలిగిస్తాయి. అటువంటి పుట్టగొడుగులను పూర్తిగా ఉడికించడం ముఖ్యమంటున్నారు నిపుణులు. విషపూరిత అంశాలు పచ్చి జీడిపప్పులో కూడా కనిపిస్తాయి. పచ్చి జీడిపప్పు తినడం వల్ల శరీరంలో తీవ్రమైన అలెర్జీ ప్రతిచర్యలు, చర్మపు దద్దుర్లు, శ్వాస సమస్యలు వస్తాయి.

దోరగ వేయించిన జీడిపప్పు తినడం ద్వారా ఇటువంటి సమస్యలను నివారించవచ్చు. పచ్చి బంగాళాదుంపలలో కనిపించే సోలనిన్ అనేది ఒక విషపూరిత పదార్థం. బంగాళాదుంపలను సరిగ్గా ఉడికించడం ద్వారా దీనిని పూర్తిగా నాశనం అవుతుంది. ఇది తినడానికి సురక్షితం అవుతుంది. పచ్చి బీన్స్‌లో లెక్టిన్లు ఉంటాయి. ఇది ఒక రకమైన ప్రోటీన్. ఇది తీవ్రమైన శరీర ఉబ్బరం, కడుపు సమస్యలను కలిగిస్తుంది. సరిగ్గా ఉడికించినప్పుడు బీన్స్ తినడానికి సురక్షితం. సోరకాయని తరచుగా కూరలు, సూప్‌లలో ఉపయోగిస్తారు. కానీ దీన్ని పచ్చిగా తినడం వల్ల అనేక జీర్ణ సమస్యలు వస్తాయి.

అటువంటి పరిస్థితిలో దీనిని ఉడికించి తినడం మంచిది. క్యాబేజీని సలాడ్లలో లేదా అనేక రకాల వంటలలో ఉపయోగిస్తారు. అయితే, కొన్నిసార్లు ఇందులో కీటకాలు ఉండవచ్చు. ఇవి ఆరోగ్యానికి హాని కలిగిస్తాయి. వేడి ఉప్పు నీటిలో తేలికగా ఉడకబెట్టడం మంచిది. పచ్చి వంకాయలు చేదుగా ఉంటాయి. ఇందులో సోలనిన్ కూడా ఉండవచ్చు, ఇది క్రమం తప్పకుండా తీసుకుంటే నాడీ, జీర్ణశయాంతర సమస్యలను కలిగిస్తుంది. దీనివల్ల తలనొప్పి, కడుపు తిమ్మిరి, వికారం, వాంతులు వంటి లక్షణాలు కనిపిస్తాయి.

దీన్ని ఉడికించడం ద్వారా ఇటువంటి సమస్యలను నివారించవచ్చు. ఈ గుమ్మడికాయ గుజ్జును తక్కువ పరిమాణంలో తినవచ్చు. కానీ సాధారణంగా దీనిని వండిన తర్వాత తింటారు. ఇది దాని రుచిని పెంచుతుంది మరియు జీర్ణమయ్యేలా చేస్తుంది. ఇతర కూరగాయలతో పోలిస్తే కాలీఫ్లవర్‌లో పురుగులు ఎక్కువగా కనిపించే అవకాశం ఉంది. తినడానికి ముందు ఉడికించడం మంచిది. దీనివల్ల ఇది మరింత రుచికరంగా ఉండటమే కాకుండా జీర్ణం కావడానికి కూడా సులభం అవుతుంది.