పవన్ చేతికి ఉన్న ఆ రెండు ఉంగరాల రహస్యం ఏంటో తెలుసా..? చాలా పవర్ ఫుల్ అంటున్న నిపుణుడు.

గత కొంతకాలంగా పవన్ కల్యాణ్ కుడి చేతి మధ్య, ఉంగరం వేళ్లకు రెండు ఉంగరాలు కనిపిస్తున్నాయి. ఇందులో భాగంగా మధ్య వేలుకి నాగబంధం, ఉంగరం వేలుకి కూర్మావతారం అంగుళికములు కనిపిస్తున్నాయి. దీంతో వీటి విశిష్టత ఏమిటి అనే చర్చ అటు సినిమా, ఇటు రాజకీయ వర్గాల్లో బలంగా నడుస్తుంది. ఈ నేపథ్యంలో నాగ బంధం, కూర్మావతారం ఉంగరాలకు మంచి విశిష్టత ఉందని తెలుస్తోంది. అయితే జనసేనాని పవన్ కల్యాణ్ చేతికి ఈ మధ్య రెండు ఉంగరాలు కనిపిస్తున్నాయి.

పవన్ తన కుడి చేతి వేళ్లకు ఒకటి తాబేలు ఉంగరం, రెండోది నాగ ప్రతిమ ఉంగరం ధరిస్తున్నారు. పవన్ వేదికపై మాట్లాడే సమయంలో ఈ ఉంగరాలు ప్రత్యేకంగా కనిపిస్తుంటాయి. వీటిపై ఓ జాతక నిపుణుడు వివరణ ఇచ్చారు. “పవన్ కల్యాణ్ జాతకం పరంగా చూస్తే… ఆయన పుట్టింది 1971 సెప్టెంబరు 2. కుజ రాహువు సంధి, రాహు కేతువులకు సంబంధించిన కొన్ని దోషాలు ఉన్నాయి.

ఆయనది మకర రాశి. మకర రాశిలోనే కుజుడు, రాహువు, చంద్రుడు ఉన్నాడు. చంద్ర మంగళ యోగం ఉన్నప్పటికీ, కుజ రాహువు సంధి ప్రభావం ఉండడం వల్ల ఆయన నాగబంధం ఉన్న ఉంగరాన్ని ధరించడం చాలా కలిసొచ్చే అంశం. జాతకపరంగా ఆయన ధరించిన ఉంగరాలు సత్ఫలితాలను ఇస్తాయి. కుటుంబంలో ఇబ్బందులు ఉన్నవారు, నర ఘోష, నర దృష్టి ఎక్కువగా ఉన్నవారు, రాజకీయ పరమైన ఇబ్బందులు ఉన్నవారు ఈ నాగబంధం ఉన్న ఉంగరం ధరిస్తారు.

రెండోది కూర్మావతార ఉంగరం. ఇది తాబేలు ప్రతిమను కలిగి ఉంటుంది. ఎదుగుదలకు, అధికారానికి, ప్రజాకర్షణకు సూచనగా ఈ ఉంగరం గురించి జ్యోతిష శాస్త్రంలో చెబుతారు” అని వివరించారు.