Transgender: ఆపరేషన్ ద్వారా మారిన ట్రాన్స్‌జెండర్‌కి పిల్లలు పుడతారా..?
Transgender: ఆపరేషన్ ద్వారా మారిన ట్రాన్స్‌జెండర్‌కి పిల్లలు పుడతారా..?
Transgender: అనన్య… ప్రైవేట్ పార్ట్ వద్ద తీవ్రమైన నొప్పి కారణంగా తాను ఏ పనీ చేయలేకపోతున్నానని ఆవేదన వ్యక్తం చేశారు. ఆమెకు మళ్లీ సర్జరీ చేయించేందుకు కొంతమంది విరాళాలు సేకరణ కూడా చేపట్టారు. ఇంతలోనే ఆమె ఆత్మహత్యకు పాల్పడటం తీవ్ర కలకలం రేపుతోంది. పూర్తీ వివరాలోకి వెళ్తే ట్రాన్స్‌జెండర్ మహిళలు, అంటే పుట్టినప్పుడు పురుషుడిగా నిర్ధారించిన వ్యక్తులు, లింగమార్పిడి శస్త్రచికిత్స ద్వారా స్త్రీ శరీర లక్షణాలను పొందవచ్చు.
ఈ ప్రక్రియలో హార్మోన్ రీప్లేస్‌మెంట్ థెరపీ (HRT), వివిధ రకాల శస్త్రచికిత్సలు ఉంటాయి, ఇవి బాహ్య లింగ లక్షణాలను మార్చడంలో సహాయపడతాయి. అయితే, ఈ శస్త్రచికిత్సలు గర్భాశయం, అండాశయాలు లేదా ఫెలోపియన్ ట్యూబ్‌లను సృష్టించలేవు. సహజ గర్భధారణకు గర్భాశయం, అండాశయాలు లేదా ఫెలోపియన్ ట్యూబులు అవసరం.
Also Read: ఈ నటుడు జాతీయ అవార్డ్ విన్నర్.
అందువల్ల, ప్రస్తుతం ట్రాన్స్‌జెండర్ మహిళలు సహజంగా గర్భం దాల్చలేరు లేదా పిల్లలను కనలేరు. భవిష్యత్తులో సాధ్యమే..? వైద్య రంగంలో జరుగుతున్న పరిశోధనలు భవిష్యత్తులో ఈ పరిమితులను అధిగమించే అవకాశం ఉందని సూచిస్తున్నాయి. ఉదాహరణకు, గర్భాశయ బదిలీ వంటి సాంకేతికతలను సిస్‌జెండర్ మహిళలలో విజయవంతంగా పరీక్షించారు.
Also Read: కాశీలో శివుని భక్తిలో లీనమైపోయిన టాలీవుడ్ హీరోయిన్..!
భవిష్యత్తులో ట్రాన్స్‌జెండర్ మహిళలకు కూడా ఈ విధానం వర్తించే అవకాశం ఉంది. అయితే, ఈ ప్రక్రియలు ఇంకా ప్రయోగాత్మక దశలోనే ఉన్నాయి. ట్రాన్స్‌జెండర్ వ్యక్తులకు అనుకూలంగా ఈ ప్రయోగాలను ఇంకా మార్చలేదు. అంతేకాకుండా, గర్భాశయ బదిలీలో అనేక సవాళ్లు ఉన్నాయి. ఆపరేషన్‌లో కష్టాలు, రోగనిరోధక వ్యవస్థలో సమస్యలు, హార్మోన్ సమతుల్యత వంటి సవాళ్లున్నాయి.
Also Read: కేసీఆర్‌ ఆరోగ్యంపై కీలక ప్రకటన చేసిన యశోద వైద్యులు.
కొందరు ట్రాన్స్‌జెండర్ వ్యక్తులు లింగమార్పిడి ప్రక్రియ ప్రారంభించే ముందు తమ స్పెర్మ్‌ను స్టోర్ చేసుకోవడం ద్వారా భవిష్యత్తులో పిల్లలను కనే అవకాశాన్ని కల్పించుకుంటారు. ఈ స్పెర్మ్‌ను ఇన్ విట్రో ఫెర్టిలైజేషన్ (IVF) లేదా సరోగసీ ద్వారా ఉపయోగించవచ్చు. అయితే, ఇది ఆర్థికంగా ఖర్చుతో కూడుకున్నది, అందరికీ అందుబాటులో ఉండకపోవచ్చు. భారతదేశంలో ఈ విషయంపై చట్టపరమైన, సామాజిక చర్చలు కొనసాగుతున్నాయి.
